Dous agricultores dos concellos de Touro e do Pino destacan as vantaxes e o rendemento que alcanza os seus cultivos grazas á calidade e cantidade de nutrientes que achega o compost de TEN – Tratamientos Ecológicos del Noroeste
Moitas e notables son as vantaxes que o fertilizante producido por TEN (Tratamientos Ecológicos del Noroeste), con sede en Touro, ofrece para a agricultura. Nun contexto, no que tanto por razóns de impacto ambiental como de índole económica, os fertilizantes químicos reduciron a súa demanda, TEN representa un claro exemplo de economía circular ao producir un abono de orixe natural que supón unha importante achega para as terras de cultivo, mellorando a estrutura do chan e, por tanto, o seu rendemento, a un custo moi competitivo.
Sábeo ben Manuel Souto, tamén veciño de Touro dedicado ás plantacións forestais. “Eu bótollo aos terreos antes de plantar as árbores e o resultado é extraordinario. O que con outros produtos nutritivos podo tardar en conseguir 15 anos, co compost de TEN consígoo en 8 ou 10”, sinala.
Souto destaca o rendemento que alcanza a madeira grazas á calidade e cantidade de nutrientes que absorve o chan despois de fertilizalo co compost de TEN. “A terra nótao moitísimo. Fai que as árbores medren moi ben. Doume conta perfectamente cando comparo unha parcela onde utilicei este fertilizante orgánico con outra que non o ten. Hai moitísima diferenza”.
O agricultor de Touro tamén destaca a rendibilidade que supón a utilización do compost -“os fertilizantes químicos son moito máis caros”, comenta, así como a comodidade de que sexa a propia empresa a que traslada o compost ata a plantación e a que o aplica na leira.
Tamén Fernando Lago, enxeñeiro agrónomo e gandeiro que conta con plantacións de agricultura extensiva no Pino, destaca as vantaxes que lle ofrece o compost orgánico de TEN. No seu caso, utilízao para enriquecer os chans en leiras de primeiro uso, que pasan de monte a prado, así como durante a tempada do millo, como complemento do abonado con esterco e con xurros. “Utilízoo para incorporar materia orgánica e para enriquecer eses chans novos e facelos máis produtivos. Ademais, como é bastante alcalino, axúdame a estabilizar ou ph”, explica. “Tamén o compro durante a época do cultivo do millo porque é unha planta que ten moitas necesidades nutritivas”.
Fernando Lago valora especialmente o feito de que o compost de TEN achega materia orgánica á terra. “Non ten nada que ver cos fertilizantes químicos que hai non mercado, que o que achegan fundamentalmente é nitróxeno, potasio e sodio”, comenta.
Un nutriente orgánico excepcional
O compost de TEN é un produto orgánico totalmente estabilizado que mellora as propiedades físicas (humidade, porosidade, permeabilidade) e químicas (actividade biolóxica) do chan. Tamén facilita a retención da auga e dos nutrientes, reduce a erosión e garante a eliminación de patógenos que puidese haber na materia orgánica.
Le a reportaxe en La Voz de Galicia, edición Santiago >>
